Kapampangan Ampung Tagalog

Balu yu rugu na dakal ing kabalwang Kapampangan a malapit keng kabalwan keng Tagalog. Deng Tagalog ampung Kapampangan ela mu misiping balen dakal la misiping bage keng karelang kultura. Lawen tala.

Patse ing salitang Kapampangan ing tauli ng letra na “e,” madalas ing kawangis na king Tagalog “ay” la. Antimo, gule – gulay, sukle –sukle, bage – bagay, tune –tunay, tinape – tinapay, bangke- bangkay, pate-patay, ampung pale- pale.

Exception ya ing bale – balay, Ilokano ya ing balay. Ing Tagalog bahay. Nung lawen me ating yang H, nung maging yang Kapampangan maging bae ya.

Patse naman ing tauling letra “o” ya keng Kapampangan, keng tagalog naman “aw” ya. Antimo, galo – galaw, lakto-laktaw, nako – nakaw, tako – takaw, bab0 –ibabaw, kalabo- kalabaw, balo-balo, balaw-balaw, ampung bayo-bayaw.

Ating salita namang ating H keng Tagalog, keng Kapampangan lulbug o mawawala ya itang h, at mabilis ya ang mapagsalita. Antimo, Tagalog a “buhok,” Kapampangan “buwak” ya. Ing “buhay”, maging “bue” (e-ay) o “bie”, ing “suha”, maging “suwa” o “sua.”

Eku balu obat maging superlative ne ning Tagalog deng salitang Kapampangan. Antimo, “kalabaw” keng Tagalog, keng Kapampangan “kalabo” o “damulag.” Ing “damulag” keng Tagalog maragol a bage, “malaking kalabaw.” Ing “maganda” keng Tagalog, keng Kapampangan, “malagu,” keng Tagalog “sobrang ganda.”

Ing makatula pa keng Kapampangan ampung keng Tagalog, ing “pangit” keng Tagalog, keng Kapampangan, “matsura” ya. Keng Tagalog ing “may itsura” o “matsura” buri na sabyan masanting o maganda.

Nung minsan bala da deng Tagalog, mapali la bundok deng Kapampangan. Antimo keng Tagalog “Nagsiksikan ang mga tao sa dyip.” Nung i-tranlate ya ini keng Kapampangan “saksakan la reng tao keng dyip.” Sa Tagalog, siksikan pa lamu, keng Kapampangan “saksakan na la.

Itang sikat itang ayup ampung ebon. Ing tete Calumpit papuntang Apalit ya kanu pinakamakabang diling tete keng yatu uling ing “itlog” awus da king Calumpit potang miras ya king Apalit ing awus da “ebon” ne. Ebon o Ibon keng Tagalog susulapu ne. Pero ing Ibon keng Kapampangan ayup la. Deng hayup keng Tagalog, ilangan deng animal.

Keng Tagalog pwede kang magsalita deng adwang tau a metung mung syllable ing gagamitan da. Antimo, “Bababa ba?” Keng Kapampangan, “Kukuku ka?” ang sabyan ning ketang kutang “wa, kukuku ku.”

Ela kanu sweet o romantiko deng Kapampangan. Antimo, keng Tagalog – “Ako ay sa iyo, Ikaw ay akin” O sa Ingles “ You are mine.I am yours” Simple mu. Keng Kapampangan, damdamen me, “Keka ku, kaku ka.”

Anyapin masalese nung kayabe tala deng Tagalog keng pamag-aral tamung Kulturang ampung salitang Kapampangan.